AZUL , IMAN N AZAYKU

Azayku ! Ah Tagmatt !

Temmuttit,

Ur idd is temmutt.

Seg Horus, winnex Hêro,

Ayd ssenx,

Imazighen, ur da ttemtaten;

Ghas da ttemuttuyen.

Macenn keyyin,

Zik ayd teddit,

Urta ghifes negi.

Dduyt, ur yad ac temmim;

Teghlit s agemmadê inn.

***

Ah ayd nnurzegh,

Tafuyt ad ur ax teghley!

Azayku izrey ax,

Abehri izwar asen.

***

Mani tatêfi n umezruy,

adday ax tesfawet?

Mayd iqqarên isefra,

S ugerdê leggwaghen?

Mayd anex ittinin:

Flat amexlaw,

Urta yukiz gellin?

***

Meqqarê temray tudert,

Irêzê usallaw tadsâ n ku yan,

Tidett dark tfaw;

Azenzerê, zund uzzal,

Ibbi nn tillas.

Azmummey n umesnaw,

Izrî nnek ag tezrîx.

***

Ah Imazighen! Amur nnun,

Imeghiyen, Azayku izzâten lli;

D ifsan,

S tayri, ikka da izuzzur,

Ad ur mecijjiyen aman.

Hha Oudadess

Rrebadê 12-09-04